Twegiba ghall-mistoqsija parlamentari numru 4464

Leġislatura	XI	Kategorija	ORAL
Mistoqsija Numru:	4464	Data:	26/11/2008
Seduta:	63 - 02/12/2008 06:00 PM
Seduta Interim:

Titlu:

Każi ta' stupru

L-Onorevoli HELENA DALLI
staqsiet lill-Onorevoli CARMELO MIFSUD BONNICI (Ministru tal-Ġustizzja u l-Intern):

Jista' l-Ministru jgħid kemm kien hemm każi ta' stupru rapportati din is-sena? Jista' jgħid kemm mill-każi tressqu l-qorti? Jista' jgħid x'inhi l-età ta' dawk allegatament stuprati? Jista' jgħid x'inhi n-nazzjonalità tal-allegati rapituri? Jista' jgħid kemm kien hemm każi ta' allegati gang-rape? Jista' jgħid jekk hemmx nies arrestati fuq allegat stupru, u jekk iva, kif? Jista' jgħid x'inhi n-nazzjonalità tar-rapitur li hemm il-ħabs? Jista' jgħid in-nazzjonalità tal-erba' rapituri li ingħataw sentenza sospiża u tar-rapitur li weħel multa f'dawn l-aħħar tliet snin?

Tweġiba:

Ninsab infurmat illi bejn Jannar u Novembru ta’ din is-sena ġew irrapurtati lill-Pulizija 29 każ ta’ stupru. Infurmat ukoll li minn 18 il-kaz minnhom tressqu quddiem il-Qorti 22 persuna. L-eta’ tal-vittmi kienet tvarja bejn sitt snin u sittin sena. In-nazzjonalita' ta’ dawk akkużati kienet tinkludi dik Maltija, Sudaniża, minn

Niger

u Kosta d'Ivorja

, Somala, Marokkina u Libjana. Minn kif ġie rrapurtat mill-vittmi, jidher li kien hemm każ wieħed fejn il-vittma ġiet stuprata fl-istess okkażjoni minn aktar minn persuna waħda.

Dwar l-aħħar parti tal-mistoqsija u b’żieda mat-tagħrif li jiena kont tajt għall-Mistoqsija Parlamentari numru 3134, ninsab infurmat illi minn dawk li ngħataw sentenza sospiża kien hemm wieħed Malti u l-oħrajn ta’ nazzjonalita Arbija.

Dokumenti annessi mal-mistoqsija:

Dokumenti mqiegħda fuq il-Mejda tal-Kamra:

Dokumenti annessi mar-risposta:

| | | | | | |

| |